ആദിത്യനാഥ് താജ്മഹലിൽ

ആഗ്ര: വിവാദങ്ങൾക്കിടെ താജ്​മഹലിൽ യോഗി ആദിത്യനാഥി​​െൻറ കൊട്ടി​ഘോഷിച്ചുള്ള സന്ദർശനം. ലോകാദ്​​ഭുതങ്ങളിലൊന്നായ താജിനെതി​െര  ബി.ജെ.പി നേതാക്കൾ നിരന്തരം പ്രകോപന പ്രസ്​താവനകൾ തുടരുന്നതിനിടെയാണ്​ ഉത്തർപ്രദേശ്​ മുഖ്യമന്ത്രിയും പരിവാരങ്ങളും നേരി​െട്ടത്തിയത്​. താജ്​മഹലി​​െൻറ പടിഞ്ഞാറു ഭാഗത്തെ റോഡ്​ അടിച്ചുവാരി വൃത്തിയാക്കിയശേഷമായിരുന്നു സന്ദർശനം. ഇതോടെ താജ്​ സന്ദർശിക്കുന്ന ആദ്യ ബി.ജെ.പി മുഖ്യമന്ത്രിയായി യോഗി. ചരിത്രസ്​മാരകത്തിൽ വിദേശികൾക്കൊപ്പം നിന്ന്​ ചിത്രമെടുത്ത യോഗി അവരോട്​ കുശലം പറയുകയും ചെയ്​തു. 

ടൂറിസം മന്ത്രി റിത ബഹുഗുണ ജോഷിക്കും ഉന്നത ഉദ്യോഗസ്​ഥർക്കുമൊപ്പം എത്തിയ മുഖ്യമന്ത്രിയെ പാർട്ടി അനുയായികൾ മുദ്രാവാക്യം വിളികളോടെയാണ്​ വരവേറ്റത്​. അരമണിക്കൂറോളം അദ്ദേഹം താജിൽ ചെലവഴിച്ചു. 14000 പൊലീസുകാരെ​ സുരക്ഷക്ക്​ വിന്യസിച്ചിരുന്നു​. യോഗി ആദിത്യനാഥ്​ അധികാരത്തിൽ വന്നശേഷം ഉത്തർപ്രദേശ്​ ടൂറിസം വകുപ്പ്​ പുറത്തിറക്കിയ പ്രസിദ്ധീകരണത്തിൽനിന്ന്​ താജ്​​മഹൽ ഒഴിവാക്കപ്പെട്ടത്​ വിവാദമുയർത്തിയിരുന്നു​. അതിനു പിന്നാലെ താജ്​മഹൽ ശിവക്ഷേത്രമായിരുന്നു എന്ന വാദവുമായി ബി.ജെ.പി എം.പി വിനയ്​ കത്യാറും രംഗത്തെത്തി. ഇൗ വിവാദങ്ങൾ കത്തിനിൽക്കെ അത്​ ശമിപ്പിക്കാൻ ലക്ഷ്യമിട്ട്​ കൂടിയായിരുന്നു യോഗിയുടെ സന്ദർശനം.

താജ്​ സ്​ഥിതിചെയ്യുന്ന ആഗ്ര നഗരത്തിൽ 370 കോടിയുടെ വികസന പ്രവർത്തനങ്ങളും യോഗി പ്രഖ്യാപിച്ചു. അതേസമയം, മുഖ്യമന്ത്രിയുടെ സന്ദർശന സമയത്ത്​ പാർട്ടി എം.എൽ.എ ജഗൻ പ്രസാദ്​ ഗാർഗ്​ ബി.ജെ.പി നേതാക്കളുടെ ആരോപണം ആവർത്തിച്ചു. ശിവക്ഷേത്രം തകർത്താണ്​ മുഗളൻമാർ താജ്​മഹൽ നിർമിച്ചതെന്ന്​ അദ്ദേഹം വാർത്താലേഖകരോട്​ പറഞ്ഞു. 

കഴിഞ്ഞ വർഷം ബിഹാറിൽ ഒരു റാലിയിൽ പ്രസംഗിക്കവെ താജ്​മഹൽ ഇന്ത്യൻ സംസ്​കാരത്തി​​െൻറ പ്രതീകമല്ലെന്നും ഇന്ത്യ സന്ദർശിക്കുന്ന രാഷ്​ട്രത്തലവന്മാർക്കും  മറ്റും താജി​​െൻറ മാതൃക നൽകുന്നതിനു പകരം ഭഗവദ്​​ ഗീതയാണ്​ നൽകേണ്ടതെന്ന്​​ ആദിത്യനാഥ്​ പറഞ്ഞിരുന്നു. എന്നാൽ, അടുത്തിടെ ഗോരഖ്​പുരിൽ സംസാരിക്കവെ നിലപാട്​ മാറ്റിയ യോഗി താജിനെ പ്രകീർത്തിച്ചാണ്​ സംസാരിച്ചത്​.